ما معني قول الدكتور حازم صلاح أنا ليبرالي جدا ؟اعرف كيف يتكلم الشيخ

الشيخ حازم صلاح ابو اسماعيل
موقع مصراوى :
في لقائه علي قناة المحور تحدث أستاذ القانون الدولي و المحامي و مرشح رئاسة الجمهوريه المحتمل الدكتور حازم أبو اسماعيل بحديث هو غاية اللباقة السياسية و الدراية الفكرية مع الاستشهاد بالقرآن او الاحاديث النبوية إذا استلزم الامر ذلك
و سأكتب جزء معين من حديثه تستطيع أن تفهم من خلاله ما الذي يقصده الشيخ بالعبارة التي ذكرتها في العنوان و أفرد الموقع لها خبرا كاملا " و بالمناسبة هو أول خبر ينشر عن الشيخ في الموقع "

المذيع: يؤخذ عليكم "يعني خصومكم " و أنا لا أعرف هذه شهاده و لاّ إيه حيث يقولوا "أصل الإخوان منظميين، ده لو حصل إنتخابات حيكسبوا " بالرغم من إن الاخوان مضيق عليهم و التيارات الاسلاميه مضيق عليها و باقي التيارات كان عندهم المساحة كلها . هل منظميين ديه تهمه و لاّ حاجة؟

الدكتور حازم :المشكلة بيننا و بين الناس دول مشكلة ثقافية و مشكلة كلام محترم إزاي ؟
المشكلة إن الناس بعد 25 يناير " أنا خايف من الإخوان لأنهم جهه منظمة "، طيب من يوم 25 يناير أو 11
فبراير يوم ما خلع حسني مبارك .. متسمحوا بقي بحزب الكرامة يشتغل ..لاء مصدرش، طيب متسمحوا للاحزاب تبقي مش محتاجة نص مليون و لا ثلاث أربع مليون علشان تنشئ علشان ينفسوا الاسلاميين . متعملوا تعديل علي قانون الصحافة اللي بشروط حسني مبارك ..شروط إصدار صحيفة مازالت هي شروط حسني مبارك مفيش حد سهلها

المذيع: بس في جزء اتشال بتاع أمن الدولة ، أمن الدولة كان عائق غير عادي أمام أي حد

الدكتور : كويس جدا و مع ذلك علشان حد يستطيع انه يتقدم ، لا تزال بقية الصعوبات كلها . أمن الدوله اتشال لان ده الضغط المباشر ، الناس بتقول بلاش أمن الدولة فأسقطوها.
إذا كان الاخوان هما اللي جاهزين ..جهزوا لاتجاهات تانية.. اسمحوا للناصرين يعملوا حزب ، اسمحوا للشيوعيين يعملوا حزب .. للعلمانيين
المذيع : انت موافق ان يبقي فيه شيوعيين و كده
الدكتور: انا مش موافق علي اي شئ اطلاقا ينقض الثوابت بتاعة الدولة إزاي ؟
المذيع: لاء انا بسألك سؤال محدد انا بتكلم علي الشيوعيين
الدكتور: ما انا بقولك اهوه.. الاجابة لاء
المذيع : مش موافق عليهم
الدكتور : مطلقا ليــــــــــــــــه؟؟لأن الشيوعي لما يقولي أنا ملحد
المذيع : مبيقولش كده
الدكتور :يبقي انا موافق عليه
المذيع:هوه بيتعامل علي مذهب ليبرالي و اقتصادي و هكذا
الدكتور : خلاص ..و أنا موافق ..شفت بقي حضرتك هو ما ان يخرج من انه يتحدي مقومات الدوله
..........
و للحديث بقية في مسائل أخري سأوردها في مقالات قادمة إن شاء الله
النقطة التي اريد ذكرها هنا أن الشيخ ليس عنده مشكلة مع اي من المسميات المثارة حولنا " من شيوعي ..
ليبرالي..علماني " طالما لم يؤمن المنتسب لها ببراءته و نبذه للقرآن و السنه أو للدين بالكليه
أفهمتم ما الذي قصده بجمله " أنا ليبرالي جدا " هذه

قال في حوار صحفي مع جريدة "الشرق الأوسط" اللندينة :"أنا ليبرالي جدا ، وعندي رغبة في التفتح والانطلاق وعدم التقيد ، وأميل للحيوية الفكرية، وإذا كانت الليبرالية تعني الانفلات من الشرع والدين فهي فئة ضالة والعكس صحيح، وإذا كانوا مع إنفاذ المحرمات وتحدي شرع الله فهو شيء غير مقبول".

ليست هناك تعليقات:

إرسال تعليق